Törkiyäneñ êşsezlek küläme dekabr ayında 7,7% belän ilneñ iñ tübän däräcäsenä töşte.

Bu 2005nçe yılnıñ ğinwarınnan başlap, rekordlı iñ tübän kürsätkeç buldı.

Törkiyä statistika institutı (TÜİK) atnakiçen açıqlağan mäğlümatkä kürä, bu küläm noyabr ayındağı 8,5%tan azraq.

15 yäş häm annan ölkänräk êşsez keşelärneñ küläme dekabr ayında, 286 meñgä kimep, 2 million 730 meñgä azayğan.

Şuşı uq çorda êşsezlek küläme irlärdä 6,3%, xatın-qızlarda isä 10,5% bulğan.

Şul uq waqıtta mäşğüllek tä kimegän, êş belän täêmin itelgän keşelär sanı 42 meñgä azayğan häm êş belän täêmin itelgännärneñ ğomumi sanı 32 million 680 meñgä töşkän.

Ğomumi mäşgüllek däräcäse 49,1%qa qädär kimegän, bu kürsätkeç irlär öçen 66,8%, xatın-qızlarda isä 32,7% bulğan.

Xezmät köçe dä 328 meñ keşegä kimegän häm 35 million 420 meñgä citkän häm xezmät köçenä quşılu küläme 53,2% täşkil itkän.

Êş belän täêmin itüçe totrıqlı üseş

15-24 yäşlek yäşlär arasındağı êşsezlek noyabr ayınnan dekabr ayına qädär 1,1 bilgegä azayıp, 14,1%qa töşkän. Bu küläm irlärdä 12%, xatın-qızlar isä 18,2% bulğan.

2025nçe yıl däwamında Törkiyäneñ êşsezlek külämeneñ urtaça 8,3% külämendä buluı kötelä.

Şuşı kürsätkeçlärgä añlatma birüçe Törkiyä Cömhüriyäte İlbaşı urınbasarı Cäwdät Yılmaz citeşterügä, êş belän täêmin itügä, kapital saluğa häm êksportqa bulışlıq öçen yasalğan struktur adımnar häm täwäkkällek belän alıp barılğan inflyaśiyäne kimetü barışı näticäsendä / êş köçe bazarınıñ yuğarı kürsätkeçlär kürsätergä däwam itüen äytte.

Yılmaz Törkiyäneñ “NSosyal” isemle sośial media platformasınnan yasağan belderüendä êşsezlek külämeneñ ber aylıq êş köçe statistikası basıla başlanğan 2005nçe yıldan birle iñ tübän däräcäsenä töşüen häm 32nçe ay ber-ber artlı ber śifrlı sannarda toruın belderde.

İlbaşı urınbasarı Cäwdät Yılmaz: "Risk premiyäsendäge töşü, kredit bilgese küreneşendäge yaxşıru, valyuta kursı belän depozit sistemasınnan çığuınıñ tögällänüe häm tarixi däräcädäge rezervlar belän iqtisadıbıznıñ çıdamlığı arta, şoklarğa qarşı toruçanlığı kübäyä. Programmabızda ireşkän qazanışlarıbız yärdämendä makroiqtisadi häm finans totrıqlılığıbız nığığanda iqtisadıbızğa ışanıç ta köçäyä", - dip yazdı.

Yılmaz: "Balanslı häm totrıqlı üseş şartları näticäsendä aldıbızdağı çorda investiśiyälärebezne häm mäşğüllegebezne arttıraçaq totrıqlı häm êş urınnarı belän täêmin itüçe üseş yulı aşa ireşelgän daimi mullıq artuın cämğiyätneñ här qatlamına ğadel räweştä çağıldırıp, watandaşıbıznıñ satıp alu köçen kübäytäkäçäkbez", - dip bilgeläp uzdı.