Rusiyä höcümnäre näticäsendä Ukraina başqalası Kiyevneñ tönyaq-könçığışındağı rayonında 3  keşeneñ, şul isäptän 1 balanıñ  hälaq buluı belderelde.

Şimbä könne töbäk xärbi wäqalätlese citkergänçä, Kiyevqa ballistik raketalar yaqınlaşuı turında kisätü yasaldı.

Mäskäw soñğı aylarda Ukraina başqalasına höcümnären zur külämdä arttırdı.

Ğädättä qısqa waqıtlı basqınnar barışında tuqtatuı qıyın bulğan ballistik raketalardan atışlar başqarıla.

Kiyevneñ tönyaq-könçığışındağı Brovarı rayonına yasalğan höcümnärdä 3 keşe, şul isäptän 1 bala  hälaq bulğan, 3 keşe yaralanğan.

 Bu xaqta  töbäk xärbi idaräse citäkçese Timur Tkaçenko Telegram akkauntında yazdı.

Ul höcümnär näticäsendä töşkän qaldıqlarnıñ öylärgä häm  maşinalarğa zıyan kiterüen, şulay uq toraq bulmağan ber binada yanğın çığuına säbäp buluın belderde.

Ukraina Ğädättän tış xällär xezmäte yalqınnar êçendäge cimerelgän bina räsemnären urtaqlaşıp Puxivka awılındağı höcümneñ ike qatlı ber öyne häm ike maşinanı yuq itüen, şulay uq ber saqlağıçta yanğın çığaruın belderde.

Kiyev xärbi idaräse Telegramda şähärdä tönge höcümnär waqıtında 4 keşeneñ yaralanuın xäbär itte.

Êlegräk Kiyevtä ballistik raketalar qullanu säbäple hawa höcüme turında kisätü iğ’lan itelgän häm xalıqqa sıyınu urınnarına barırğa quşılğan ide.