İzrail İranğa qarşı suğış arqasında qurqınıçsızlıq çikläwlären nigeznamä kürsätep, yaw astındağı Könçığış Qodüstäge “Äl-Aqsa” mäçetendä bäyräm namazın tıydı.

Fälästinlelär üz çiratında ğıybadät qıluçılarnı bäyrämne İske şähärdä yäki “Äl-Aqsa” mäçetenä mömkin qadär yaqınraq urınnarda namaz uqırğa çaqırdı.

İzrail poliŝiyase moña qadär Ramazan ayında “Äl-Aqsa”ğa çikläwlärgä qarşı protest belderep, İske şähär diwarları yanında namaz uqığan fälästinlelärgä qarşı täpäçlär, êlektr granataları häm küzdän yäş kiterüçe gaz qullanğan ide.

Bıyıl bäyräm yaw astındağı Könçığış Qodüstä moñsu atmosferada başlandı.

Bäyräm aldı ğädättä fälästinlelär belän tulıp taşqan İske şähär, qurqınıç tınlıqqa törenep, öräk şähärne xäterlätte.

İzrail töbäkkä kerüne çikläde. Fälästinle säwdägärlärneñ kibetlären açuına kirtä quyıldı häm barı tik daruxanälär belän töp produktlar bulğan kibetlärne genä açarğa röxsät birelde.