Berläşkän Millätlär Oyışmasınıñ klimat üzgäreşe başqarma särqätibe Saymon Still, Könbatış Awrupadağı rekordlı êsselek dulqınınıñ klimat krizisın ayawsız iskä töşerü buluın belderde.

Saymon Still keşe tormışın, biznesnı häm iqtisadlarnı qızulardan häm klimat üzgäreşeneñ tizlek belän artuçı başqa çığımnarınnan saqlawnıñ härber däwlät öçen töp östenlek bulırğa tiyeşlegen assızıqladı.

“Bu barış, qazılma yağulıqqa bäylelektän tizräk qotıludan başlana”,- dide Still. Ul şul uq waqıtta Yaqın Könçığıştağı suğışnıñ da qazılma yağulıqqa bäylelekneñ artqan çığımnarın häm tağın da çista ênergiya çığanaqlarına küçü ixtıyacın kürsätüen dä belderde.

Franśiyä citäkçelege, qızular arqasında kim digändä cide keşeneñ üleme turında xäbär itä. Bu ülemnärneñ bişese — su buylarına qızudan qaçıp kitkän keşelärneñ batuı näticäsendä bulğan.

Angliya isä yäkşämbe könennän birle dürt yäşüsmerneñ suda batıp ülüen citkerde.

Awrupada temperatura kütärelgän sayın Britaniya häm Franśiyadä may ayın moña qadärge iñ êsse may dip terkädelär.

İrlandiyädä dä may ayında iñ yuğarı cılılıq terkälgändä İspaniyä, İtaliyä häm Awstriyädä dä yılnıñ bu çorında êsselär küzätelä.