Törkiyä iminlek köçläre ilneñ könçığışında “DEAŞ” terrorçı oyışmasına qarşı operatsiyälärendä 85 keşene saq astına aldı.

Şanlıurfa töbäk idaräse comğa könne yasağan belderüendä sotsial mediada “DEAŞ”nı maqtağan yazmalar urtaqlaşuları säbäple 8 keşeneñ totqarlanuı turında xäbär itte.

Terrorçı oyışmasına bäyle propaganda materiallarınıñ tabıluı raslanğannan soñ, operatsiya baş prokurorlıqnıñ koordinaśiyase astında ütkärelä.

Könçığışta urnaşqan Ağrı töbägendä politsiya “DEAŞ”qa qarşı ber ük waqıtta ütkärgän operatsiyälärdä 10 şiklelene êläkterä. Yortlarnı tentegändä tıyılgän basmalar häm sanlı materiallar qulğa töşerelä.

Kön êçendä İstanbul baş prokuraturasınıñ “DEAŞ” belän bäyle başqa tikşerüe qısalarında totqarlanğan 147 şöbhäle arasınnan 67sen qulğa alu qararı çığarıla. Alarnıñ 41e Yalovadağı terrakt belän bäyläneşle.

Şul uq tikşerü qısalarında 32 şöbhäle isä Törkiyä öçen yanaw tudıruı säbäple deportatsiyälänäçäk.

Wäqalätlelär qanunsız däreslär häm wäğazlär ütkärep oyışmağa yaña äğzalar cälep itüdä ğäyeplängän ber oyıştıruçınıñ tabıluın, şulay uq, Yalovadağı höcüm, propaganda êşçänlege yäki bäreleş töbäkläre belän bäyle küp sandağı şöbhäle keşeneñ açıqlanuın belderde.

Bu qısalarda 2025nçe yılnıñ 30 dekabrendä İstanbul häm tağın ike töbäktä barılığı 114 adresqa ber ük waqıtta oyıştırılğan basqınnarda 110 şöbhäle keşe totqarlana.

Tikşerülärneñ, 29 dekabr’dä Yalovada öç politsiyä xezmätkäreneñ hälaq buluına kitergän höcümnän soñ, “DEAŞ”nıñ keşelärne üz saflarına tartuın, propaganda häm oyışma êşçänlegen kirtäläwgä yünältelüe äytelde.

Yalova höcümenä bäyle çaralar näticäsendä Törkiyä iminlek köçläre kimendä altı “DEAŞ” terrorçısın täêsirsez xälgä kiterde.