Donald Tramp Rusiyä-Ukraina suğışın tuqtatu häm kiñ qırlı säwdä häm investiśiya proyektların qaraw öçen Qazaqstan häm Üzbäkstan liderları belän telefonnan söyläşte.
Qazaqstan İlbaşı idaräsennän yasalğan belderügä kürä Qazaqstan ilbaşı Qasıym-Comart Toqayev sişämbe könne uzğan söyläşülärdä Ukrainadağı konfliktnıñ butalçıqlığına tuqtalıp, cir problemalarınıñ möhim buluın häm mäydandağı çınbarlıq xälenä nigezlänep, barlıq yaqlarnıñ kompromiss yasawı zarurlığın assızıqladı.
Belderüdä bolay diyelä: “Qazaqstan bäyläneşle yaqlarnı sabır bulırğa, sığılmalılıq häm professionalizm kürsätergä çaqıra.” Astana citäkçelegeneñ kiläçäktäge söyläşülär öçen kiräkle şartlar buldırırğa teläwe citkerelde.
Üzbäkstan däwlät başlığı Şäwkät Mirziyayev ta Tramp belän küreşte häm ike il arasında taw sänägäte häm ênergetikadan alıp xärbi bulmağan aviaśiya häm mäğlümat texnologiyasenä qadar suzıluçı tarmaqlarda 10 milliardlağan dollarlık urtaq proyektlarnıñ däwam itüen belderde.
Üzbäkstan İlbaşı idaräse “AQŞ-Üzbäkstan êş häm investiśiya şurası”nıñ qorıluın häm urtaq investiśiya fondın başlatu öçen êşçänleklärneñ däwam itüen rasladı.
İke Urta Aziya liderı da Trampnı illärenä çaqırdı. Toqayev Trampnıñ bu säfäreneñ tarixi bulaçağın belderde.
Tramp monnan alda ike lider belän çınğa aşırğan söyläşülärne maqtadı häm bu ike il belän mönäsäbätlärne iskitkeç dip atağan ide.
“Truth Social”da ul bolay dip yazdı: “Bügen irtän Qazaqstan cömhüriyäte ilbaşı Qasıym-Comart Toqayev ham Üzbäkstan cömhüriyäte däwlät başlığı Şäwkät Mirziyayev belän ike iskitkeç telefon söyläşüe ütkärdem.”
Tramp liderlarnıñ däwam itüçe konfliktlarnı çişüneñ häm illär arasındağı säwdä häm xezmättäşlekne kiñäytüneñ ähämiyäten quzğatuların äytte.
AQŞ ilbaşı Qazaqstan häm Üzbäkstan liderın kiläse yılnı Mayamida oyıştırılaçaq G20 sammitına çaqıraçağın äytte.
