Törkiyä ilbaşı Räcäp Tayyip Ärdoğan pänceşämbe könne, Törkiyäneñ iminlege öçen çik aryağında da da kiräk bulğan barlıq adımnarnı yasawın; yanawlarnı çığanağında uq täêsirsez xälgä kiterülären häm monıñ öçen berkemnän dä röxsät almawların äytte.

Ärdoğan, başqala Änkaradağı Çankaya sarayında şähit ğailäläre xörmätenä oyıştırılğan iftar aı proğrammasında çığış yasap, terrorsız Törkiä tırışlıqlarında möhim alğarış buluın belderde.

İlbaşı: "Bögenge köndä Törkiä üz iminlege öçen genä tügel, çik aryağında da härtörle adımnı yasıy. Qayda yanaw häm qurqınıç bulsa, berkemnän dä röxsät almıyça, anı çığanağında uq yuq itäbez," — dide.

Ärdoğan şulay uq: “Tertorsız Törkiä tırışlıqlarında sizelerlek alğa kiteş buldı. Çiklärebez êçendä häm tışında ilebezgä yünälgän iminlek qurqınıçlarında citdi däräcädä kimü küzätelä,” — dide.

İlbaşı tübändägeçä däwam itte: "Yaqınça yartı ğasır däwamında millätebezneñ qayğığa salğan bu bäladan Törkiäne, inşallah, mäñgegä qotqarırğa täwäkkälbez.”

Qorallı köçlär häm başqa iminlek berämlekläreneñ operaŝiäläre yärdämendä teror oyışmalarınıñ xäräkät itü säläten möhim däräcädä çikläwlären beldergän Ärdoğan saqlanu sänäğätendä il yaqınça 80 % tiräse çit illärgä bäyle bulğan waqıtqa qaraganda, bügenge köndä cirle citeşterü külämen yaqınça 80%ka citkerülären äytte.

"Bügenge köndä dronnar, qorallı keşesez hawa apparatları, raketalar, qorablar, boralaqlar häm tanklarnı da kertep, här ölkädä diärlek üz ixtiyaclarıbıznı üzebez qanäğatländerä alabız. İnşallah, çirat xärbi oçqıçlar häm aviataşuçı qorablarğa kiläçäk," — dide.

Kürşe Süriädä dä uñay üzgäreşlär buluın beldergän däwlät başlığı: "Süriäneñ tönyäğındağı problemanı qan qoymıyça çişü mäs'äläsendä ütkän ayda kileşügä ireşelde. Tulı integraŝiä barışı başlanıp kitte," — dide.