AQŞ İlbaşı Donald Tramp belän Änkarada ütkärgän söyläşügä tuqtalıp uzuçı Däwlät başlığı Ärdoğan: "Qimmätle dustım belän (Tramp) Änkarada bergä bulu bezgä östämä köç birde. Bu säfärneñ ni qädär möhim buluın ayıruça bilgeläp uzarğa telim", - dip äytte.
Regional totrıqlılıq belän bäyle bularaq alıp barılğan diplomatik tırışularnı citkerüçe Ärdoğan: "Bez İran-Amerika mönäsäbätlären yaxşıraq däräcägä kütärergä tırışabız. Dönyada tınıçlıqqa öleş kertü öçen quldan kilgänneñ barısın da êşlärgä tırışabız", - dip belderde.
Ğazzädäge wazğiyät häm töbäk tınıçlığı turında yullamalar yasawçı İlbaşı Ärdoğan: "Qimmätle dustım (Tramp) belän (Ğazzäne) söyläşep, töbäktä tınıçlıq urnaştıru nisbätennän bu Liderlar sammitına bik zur ähämiyät biräbez”, - dide.
"F-35 mäs’äläse bezneñ öçen yaña tema tügel"
F-35 barışına qağılışlı bäyäläwlär yasawçı Ärdoğan, mäs’äläneñ tarixına işaräläp: "F-35 mäs’äläse bezneñ öçen yaña tema tügel häm monı bez Amerika belän moñarçı da söyläştek häm bez 5 oçqıçnıñ süzen dä aldık", - dide. Sammittan kötkännären telgä aluçı Ärdoğan: "İnşallah, F-35 mäs’äläsendä bu Liderlar sammitında xäyerle qararğa kilener”, - dip ışanuın citkerde.
"Rusiyä-Ukraina täräqqiyätlärenä qarap adımnarıbıznı yasayaçaqbız"
Söyläşülärdä quzğatılaçaq başqa regional mäs’älägä dä tuqtalıp uzuçı Ärdoğan: "(Tramp belän) Bez Rusiyä-Ukraina arasındağı waqiğalarnı da qaderle dustım belän biredä urtaqlaşırbız, fiker alışırbız häm aña qarap adımnarıbıznı yasarbız", - dip äytte.
"Bez sammittan nıqlı çığaçaqbız"
NATO qısalarındağı urtaqlıqnın möhimlegenä basım yasawçı İlbaşı Ärdoğan: "NATOda ike möhim il bularaq Liderlar sammitınnan teläktäşlek êçendä köçle bulu näticäsen alırbız häm bez moña ireşerbez dip ışanam”, - süzläre belän tämamladı.
