Törkiyä çärşämbe könne AQŞ belän İran arasında waqıtlıça utnı tuqtatıp toru turında iğlan itelüen xuş qarşı aldı.
Tışqı êşlär ministrlığınıñ belderüendä: «Waqıtlıça utnı tuqtatıp toru suğış qırında tulısınça ütälergä tiyeş häm barlıq yaqlar kileşelgän şartlarga tuğrı bulır dip ömetlänäbez» dip äytelde.
Belderüdä ozaqqa suzılğan tınıçlıqqa yulnıñ barı tik dialog, diplomatiyä häm üzara ışanıç aşa ğına mömkin buluı bilgeläp ütelä, "Bez İslamabadda uzaçaq söyläşülärneñ uñışlı tämamlanuı öçen barlıq mömkin bulğan yärdämne kürsätüne däwam itäçäkbez" dip östälä.
Törkiyä, şulay uq, Paqıstannı protsessqa aradaşçılıq itkäne öçen qotladı häm tınıçlıqqa öleş kertüçe barlıq başlanğıçlarnıñ däwam itüen teläde.
Duran: Törkiyä ozaqqa suzılğan tınıçlıqqa ömetlänä
Törkiyä İlbaşı apparatı êlemtä idaräse başlığı Borxanetdin Duran, şulay uq, Törkiyäneñ “NSosyal” sotsial' media platformasındağı yazmasında Änkaranıñ utnı tuqtatunıñ xäzerge kiyerenkelekne kimetügä genä tügel, ä ozaqqa suzılğan çişeleş häm tınıçlıqqa yul açaçağına ömetlänüen belderde.
"Bezneñ töbäktä ozaq waqıt däwam itkän qurqınıçsızlıq moxite tağın ber tapqır dialog häm diplomatik qanallarnıñ ni däräcädä möhim buluın kürsätte. Özara añlaşunı nığıştu, kierenkelekne köçäytäçäk adımnardan qaçü häm xalıqara xoquq nigezendä eş itü ozaqqa suzılğan tınıçlıq urnaştıruda xälitkeç rol' uynayaçaq", — dide Duran. Ul Törkiyäneñ İlbaşı Räcäp Tayyip Ärdoğan citäkçelegendä töbäk häm global' tınıçlıq urnaştıruğa häryäqlap öleş kertüen häm köçle diplomatik traditsiäse häm ğadel häm balanslı qaraşı belän krizislarnı xäl itüdä qurqınıçsız sıyınu urını bulu cawaplılığın üz östenä aluın assızıqladı.
