Livan sälamätlek saqlaw ministrlığı İzrailneñ Livannıñ könyağında häm könçığışındağı töbäklärgä höcüm itüen häm  xäzergä çaqlı 3 keşeneñ ğomere özelüen, 23 keşeneñ yaralanuın belderde.

Ministrlıq beldergänçä, comğa kiçendä yasalğan İzrail höcümnäre könyaqtağı Sur häm Näbatiyä töbäklärendäge 5 urınğa, şulay uq könçığıştağı Bäqa töbägenä yünältelgän bulğan.

Ministrlıq yaralalar arasında xatın-qızlar häm balalar, sälamätlek saqlaw xezmätkärläre dä buluın belderde.

İzrail armiyäse “Xizbullah”nıñ İzrail xärbilärenä qarşı pilotsız oçu apparatı höcüme oyıştıruınnan soñ Livannıñ könyağına höcüm itüen belderde.

“Xizbullah” İzrailneñ älege ğayepläwlärenä cawap birmäde.

Livan räsmiläre beldergänçä, iyün ayında AQŞ aradaşçılığında ireşelgän utnı tuqtatu kileşüennän soñ İzrail armiyäse tarafınnan 5 meñnän artıq anı bozu oçrağı terkälgän. Ber-ber artlı täêmin itelgän utnı tuqtatu kileşüläre qısalarında terkälgän ğomumi bozularnıñ  sanı 10 meñnän artqan.

2 marttan birle İzrail höcümnäre näticäsendä Livanda 4 300dän artıq keşe hälaq bulğan.