AQŞ Qazna ministrlığınnan yasağan belderüdä äytelgänçä, AQŞ Qazna ministrlığı häm Däwlät departamentı räsmiläre Vaşingtonda Süriyä tışqı êşlär ministrı Äsäd Xäsän Şäybani belän söyläşülär ütkärde.
Ministrlıq pänceşämbe könne “X” platformasında bastırğan yazmada: "Qazna ministrlığı terrorçılıq finanslawına qarşı köräş barışında Süriyä belän bergä eşläp, Süriyä iq’tisadın global’ finans sistemasına cawaplı häm imin räweştä qabat integraśiyäläw öçen tırışa”, – dip belderde.
Cıyılışta qatnaşuçılar arasında AQŞnıñ Törkiyädäge ilçese häm Süriyä maxsus wäkile Tom Barrack, Qazna ministrlığınıñ yuğarı däräcäle räsmiläre, Süriyä tışqı êşlär ministrlığınıñ AQŞ säyäsät êşläre ğomum mödire Kuteybe İdlibi häm Şäybani delegaśiyäseneñ başqa äğ’zaları bar ide.
Bu vizit 25 yıldan artıq waqıtta berençe tapqır Süriyä tışqı êşlär ministrınıñ AQŞqa yasagan säfäre buldı.
Sankśiyälär turında söyläşülär
Süriyä ministrı AQŞ senatorları belän dä oçraşıp, Süriyägä qarata kertelgän Sezar sankśiyälären tulısınça ğamäldän çığaru mäs’äläse xaqında söyläşte.
Tışqı mönäsäbtlär komitetınıñ ölkän äğ’zası Demokrat senator Jeanne Shaheen Şäybani häm Barrack qatnaşqan cıyılışta ike partiyäle xalıq ışanıçlıları törkemen citäkläwen belderde. Qatnaşuçılar arasında senatorlar Roger Wicker, Chris Coons, Joni Ernst, Jacky Rosen, Markwayne Mullin, Richard Blumenthal häm Andy Kim bar ide.
Shaheen törkemneñ AQŞ häm Süriyäneñ totrıqlı häm iq’tisadi yaqtan uñışlı Süriyägä taba urtaq mänfäğätläre häm Süriyäneñ kiläçägeneñ töbäk iminlege öçen möhimlegen raslawın äytte.
Sezar qanunı turında bäxäs
Belderüdä äytelgänçä, qatnaşuçılar sankśiyälärneñ Süriyä iq’tisadına aşığıç kiräkle bulğan investiśiyälärne totqarlawın assızıqladılar.
Shaheen: "Süriyä iq’tisadı krizis xälendä häm xökümätneñ töp wazıyfaların däwam itüe öçen räsmilärgä aqça çığanaqları kiräk”, – dide.
"Ägär bez bik äkren genä xäräkät itsäk, süriyälärne yañadan bäreleşkä kertü qurqınıçı bar. Bu isä Rusiya häm İrannan başqa berkemneñ dä faydasına bulmas. Xäzer Senatnıñ Sezar qanunı sankśiyälären beterep êşkä kereşü waqıtı”,– dip östäde.
Sankśiyälärneñ küpçelege 2019 yılda qabul itelgän Sezar Süriyä qanunı belän bäyle bulıp, ul Äsäd xökümätenä watandaşlar suğışı waqıtında êşlängän suğış cinayät’läre öçen kertelgän ide.
BMOda parallel’ waqıyğalar
Törkiyäneñ BMO wäkile Äxmät Yıldız Süriyä turındağı utırışta BMO iminlek Şurasında oxşaş borçulularnı citkerep, Süriyädäge yaña çornıñ ilneñ cir bötenlege häm berdämlege nigezendä tınıçlıq häm totrıqlılıq urnaştıru öçen daimi tırışlıq taläp itüen assızıqladı, şul uq waqıtta ildäge soñğı alğarışlarnı da maqtadı.
Yıldız: "Süriyä xökümäte, qıyınlıqlarnıñ külämenä qaramastan, uzğan dekabr’dan birle ähämiyätle alğa kitü täêmin itte. Asqorma yañartu proyektları äle dä däwam itä häm ildä êlektrğa ireşü arttı”,– dip belderde.
Yıldız şulay uq Dimäşq’neñ xalıqara cämäğat’çelek belän yañadan êlemtäneñ totrıqlı häm konstruktiv räweştä däwam itüen äytte häm Törkiyäneñ Süriyäne yañadan torğızu tırışlıqlarına qarata barlıq sankśiyälärne beterügä daimi yaqlawın yañarttı.
