Bötendönya sälamätlek saqlaw oyışması başlığı Tedros Adanom Gebreisus AQŞta urnaşqan “X” platformasındağı akkauntında belderü yasap: "Köymä yulğa çıqqan 1 apreldän birle 3 ülem oçrağı belän bergä 7 xantavirus oçrağı (2 raslanğan häm 5 şikle) bilgelände", – dide.
Gebreisus xäzerge mäğlümatlarğa tayanıp, Bötendönya sälamätlek saqlaw oyışmasınıñ bu virusnı dönya xalqı öçen qurqınıçı tübän itep bäyäläwen äytte.
Gebreisus beldergänçä oyışma wäzğiätne küzätergä häm yañartıp barırğa däwam itäçäk.
Bötendönya sälamätlek saqlaw oyışmasınıñ köymädäge yulçılar häm êkipajnı saqlaw öçen tiyeşle illär häm köymä xucaları belän bergä êşläwen citkergän Gebreisus tübändägeçä däwam itte: "Koordinaśiälängän xalıqara qatışu çaralarına tirän tikşerülär, awırularnı izolyaśiäläw häm däwalaw, mediśina yärdäme belän köymädän çığaru häm laboratoriya tikşerüläre kerä."
Oyışma kiçä xantavirusnı yoqtırğan 3 keşeneñ wafat buluın belderep, bolay dide: “Awıruçılardan berse xäzerge waqıtta Könyaq Afrikada reanimaśiyädä. Östämä laboratoriya testları häm êpidemiologik küzätülär däwam itä. Yulçılarğa häm êkipajğa mediśina xezmäte häm yärdäm kürsätelä.”
Xantavirüs
Xantavirus – kübesençä kimerüçelärdän yoğa torğan awıru bulıp sanala.
Kimerüçelärneñ qorığan tizäk, sidek häm tökerekläre quşılğan hawanı sulaw, ä qaywaqıt kimerüçelärneñ teşläwe yäisä tırnawı arqılı yoğuçı bu virus temperatura kütärelü, xälsezlek häm muskullarda awırtu kebek simptomnarnı kürep bula. Sulış aluda qıyınlıqqa da kiterä aluçı bu virus, qayber oçraqlarda organizm êçendä qanaw häm böyer citeşsezlegenä kiterä.
