AQŞ ilbaşı Donald Tramp çärşämbe kiçendä AQŞnıñ, "çın kileşü" tulısınça ğamälgä kergängä qadär, İran tiräsendä xärbi köçe qalaçağı häm, yöklämälär ütälmägän oçraqta, köçle cawap bireläçäge turında kisätte.

Sotsial' media platforması “Truth Social”dağı belderüendä Tramp, barlıq AQŞ köymäläreneñ, oçqıçlarınıñ häm xärbi xezmätkärlärneñ, östämä suğış kiräk-yaraqları häm qorallar belän bergä, “ÇIN KİLEŞÜ tulısınça ütälgängä qadär üz urınnarında qalaçaqların" belderde. Şul uq waqıtta ul: "Ägär dä nindider säbäp belän bolay bulmasa, ul çaqta êlek kürelmägän qadär zurraq, köçleräk häm qatıraq räweştä bäreleşlär başlanır", - digän süzlär qulllandı.

Tramp, şulay uq, "atom-töş qoralı bulmaw" yünäleşendäge kileşüneñ "küptän inde" täêmin itelüen belderep, "monıñ kiresenä yünältelgän barlıq yalğan süzlärne" kire qaqtı.

Tramp: "Atom-töş qoralı bulmayaçaq häm Ormuz buğazı açıq häm imin bulaçaq. Bu arada bezneñ zur armiyäbez QORALLANA häm YAL İTÄ, nigezdä ul çirattagı YAULAWnı tüzemsezlek belän kötä", - dip yazdı.