Törkiyä cömhüriyäte İlbaşı Räcäp Tayyip Ärdoğan Balıkäsirda Törek xärbi - hawa köçläreneñ “F-16” xärbi oçqıçı hälakätkä oçrawı näticäsendä oçuçınıñ şähit buluın häm waqıyğanıñ säbäplären açıqlaw öçen zaruriy tikşerü başlanuın belderde.
Çärşämbe könne Änkarada ber çarada çığış yasawçı Ärdoğan, bu yuğaltunıñ üzen tirän qayğığa saluın äytte. Xärbi - hawa köçläre pilotı, mayor İbrahim Bolat öçen doğa qıldı häm anıñ ğailäsenä, Törek xärbi - hawa köçlärenä häm Törek millätenä qayğınamä yulladı.
Wäqalätle zatlarnıñ hälakät şartların bilgeläw öçen kiñ qırlı tikşerü başlawın äytüçe Ärdoğan, tiyeşle oyışmalar tarafınnan barlıq zaruri êşçänleklärneñ alıp barıluın da östäde.
Monnan alda Milli saqlanu ministrlığı, oçqıç belän radio bäyläneşe häm küzätü mäglümatları özelgännän soñ, xärbi oçqıçnıñ kilep töşüen citkergän ide. Ministrlıq mäglümatlarına kürä, oçqıç cirle waqıt belän säğat 00:56da Balıkäsirdäğe bazasınnan hawağa kütärelgän bulğan.
