İrannıñ räsmi IRNA mäğlümat agentlığı xäbär itkänçä, ilneñ tışqı êşlär ministrı Abbas Araqçı sälämätlek saqlaw ministrlığında uzğan tantanada çığış yasadı.

AQŞ häm İzrail höcümnäre belän başlanğan suğışta üz ileneñ üzen raslawın häm "ciñelmäs" buluın kürsätüen äytep, Araqçı bolay dide:

"Min başqa illärneñ räsmi zatlarınıñ: "İranlılar moğcıza kürsätte häm böten dönyanı ğacäpländerde", - digännären qat-qat işettem. Berkem dä İrannıñ AQŞqa şulay qarşı turaçağın häm axır çiktä doşmannı söyläşülär sorarğa mäcbür itäçägen uylamağan ide".

AQŞ ilbaşı Donald Trampnıñ suğış başında İrannan "şartsız birelü"gä çaqırğanına iğtibar itep, Araqçı: "Şul uq doşman 20 könnän soñ söyläşülär sorap yalwardı", - dide.

Araqçı süzen yomğaqlap: "İran milläte diplomatiyä ölkäsendä üz xoquqların niçek yaqlarğa kiräklegen kürsätte. Min monı törle räsmi zatlardan işettem, alar: "Sez suğışta da, diplomatiyädä dä ciñdegez", - dilär", - dide.