Şimbä könne delegaśiyädäge räsmi zattan alıngan mäğ’lümatqa qarağanda, Ukraina söyläşüçeläre Rusiyä belän dürt yılğa yaqın däwam itkän suğışnı tuqtatu maqsatınnan Tramp citäkçelege belän söyläşülär ütkärü öçen Amerika Quşma Ştatlarına kilep citkän.

Delegaśiya AQŞ ilbaşı Donal'd Trampnıñ wäkile Stiv Uitkoff häm anıñ kiyäwe Djared Kuşner belän oçraşaçaq.

Söyläşülär Mayamida Rusiyäneñ Ukrainağa qarşı suğışınıñ dürt yıllığına berniçä kön qala uzaçaq.

Kiyev berlektäşlärennän iminlek garantiyälärendä tögällek taläp itä.

Ukraina däwlät başlığı Volodimir Zelenskiynıñ ölkän kiñäşçese Kiril Budanov sośial’ çeltärlärdä bolay dip yazdı:
“Bez Amerika Quşma Ştatlarına kilep cittek. (İminlek citäkçese) Rüstäm Umerov häm (söyläşüçe) Dêvid Araxamiya belän bergä tınıçlıq kileşüeneñ neçkälekläre turında amerikalı partnyerlarıbız belän  möhim söyläşü ütkäräçäkbez. Stiv Uitkoff, Djared Kuşner häm (AQŞ Ciröste köçläre ministrı) Daniêl’ Driskoll qatnaşında urtaq oçraşu planlaştırıla”.