İzrail armiyäse uzğan atna Ğazzäneñ könyağındağı Räfaxta qalğan “Xamas” äğzalarınnan 40ın üterüen alğa sörde.

Armiyä yäkşämbe könne kiçke säğatlärdä yasağan belderüendä Räfaxnıñ könçığışındağı tunnellärneñ êçendä qalğan qorallı “Xamas” äğzaların täêsirsez xälgä kiterü maqsatınnan älege cir astı yulların yuq itü êşläreneñ baruın citkerde.

Belderüdä “Uzğan atnada tunnellärneñ êçendä bulğan 40tan artıq suğışçı täêsirsez xälgä kiterelde” diyelä.

İzrail armiyäse monnan alda Räfaxta başqa “Xamas” suğışçıların da üterüen häm qulğa aluın söylşägän ide.

“Xamas” bu mäsälägä älegä açıqlaw kertmäde.

İzrail mediasında çıqqan xäbärlärgä qarağanda, Räfaxtağı cir astı tunnellärendä yaqınça 200 “Xamas” äğzası bar. “Xamas” belän aradaşçılar älege suğışçılarnıñ oyışmanıñ kontrolendäge cirleklärgä imin räweştä küçüen taläp itte. Tel-Aviv älege möräcäğatkä cawap birmäde.

Räfax şähäre Ğazzä êçendä äle haman İzrail armiyäse basıp alğan “sarı zona” dip ataluçı territoriyägä kerä.