Amerika Quşma Ştatları liderı Donald Tramp, Ukraina däwlät başlığı Volodimir Zelenskiy häm Awrupalı liderlar yäkşämbe könne Rusiyä-Ukraina suğışın tuqtatu adımnarın quzğattılar.

Bu xaqta Finlyandiyaneñ däwlät başlığı Aleksandr Stubb X platformasında citkerde.

Tramp belän Zelenskiy arasındağı söyläşüdän soñ ber sägättän artıq barğan söyläşügä Franśiya ilbaşı, Angliya premyer-ministrı, Germaniya Kanślerı, İtaliya premyerı, Polşa däwlät başlığı, Norvegiya premyer-ministrı, NATO ğomum särqätibe häm Awrupa komissiyase başlığı Ursulan fon der Lyayen quşıldı.

“Suğışnı tuqtatuğa qarağan adımnarnı qaradıq. Barırbız da ğadel häm daimi tınıçlıq öçen tırışabız,” – dide Stubb.

Tramp Zelenskiynı Floridada, Palm Biçtağı Mar-a-Lago yortında qabul itte.

Jurnalistlarğa belderü yasağan AQŞ ilbaşı bolay dide: “Söyläşülärneñ soñğı êtabında buluıbıznı uylıym. Suğış tuqtayaçaq yäisä ozaqqa suzılaçaq häm tağın millionlağan keşe ütereläçäk. Moñarçı 8 suğışnı tuqtattım. Bu – iñ awırı läkin başqarıp çığaçaqbız. Minem öçen data yuq. Suğışnıñ betüe möhim.”

Tramp cir kileşmäwçänlekläre belän ber rättän berniçä mäs’äläneñ genä qaluın häm atnalar êçendä kileşüneñ tözelä alınaçağın citkerde. Suğış betkännän soñ Rusiyäneñ Ukrainanı qabat tözekländerügä öleş kertäçägen dä belderde.

Tramp Zelenskiy belän küreşkännän soñ Rusiyä liderı Putinğa qabat şaltıratırğa uylawın äytte.

Zelenskiy isä söyläşü törkemnäreneñ neçkäleklärne qarap çığu öçen ozaqlamıy küreşäçägen, Tramptan ğıynwarda Vaşingtonda yaña söyläşülär kötüen açıqladı.