İminlek çığanaqlarınnan alınğan mäğlümatqa qarağanda, Törkiyä Milli küzläw oyışması başlığı İbrahim Qalın Greśiyä Milli küzläw oyışması başlığı Femistoklis Demiris belän uzğan atnada Afinada oçraştı.

Oçraşuda ike yaqlı mönäsäbätlär häm regional’ waqıyğalar qaraldı, problemalarnı çişü öçen nindi adımnar yasalırğa mömkin ikänlege bäyälände.

İke il mönäsäbätläreneñ Ägäy häm Könbatış Urta diñgez töbäklärendä, NATO iminlege, küzläw xezmättäşlege, terrorçılıq, oyışqan cinayätçelek, qanunsız küçenü häm keşe kontrabandası ölkälärendä kritik ähämiyätkä iyä buluı assızıqlandı.

Şulay uq AQŞ-İran suğışı, Süriyädä yaña çor, Liviyäneñ säyäsi berdämlege, Fälästin mäsäläse, İzrailneñ Ğazzä häm Yordannıñ könbatış üzänlegendä  däwam itüçe xoquq bozuları häm basıp alu säyäsäte, İzrailneñ Süriyä häm Livanğa qarşı höcümnäre qaraldı.

İke il arasında terrorçılıqqa häm oyışqan cinayät törkemnärenä qarşı köräş ölkäsendä soñğı waqıtta ireşelgän tempnı arttırıp däwam itü häm strategik däräcägä kütärü kiräklege turında urtaq qararğa kilende.

Qalın häm Demiris ike yaqlı häm töbäktäge mäsälälärdä  xezmätlär arasındağı yaqın xezmättäşlekne tağın da nığıtu  turında kileştelär.