Yava utrawındağı yanartaw şartlağannan soñ yözlägän keşe waqıtlıça sıyınu urınnarında qala ide.

Räsmi zatlar beldergänçä, yaqınça 190 keşene êvakuaśiyälägännär.

Semeru yanartawı çärşämbe köndez şartlağan, ul atıp çığarğan köl häm gaz 13 kilometr yıraqlıqqa taralğan.

 Räsmi zatlar kisätü däräcäsen iñ yuğarığa kütärgän.

Afät agentlığı wäqalätlese Sultan Syafaat beldergänçä, şartlawdan soñ yaqınça 900 keşe mäktäplärdä, mäçetlärdä häm awıllardağı sıyınu urınnarına küçerelgän.

Semeru 2021 yılda şartlağanda 50 dän artıq keşeneñ ğomeren özgän häm 5 meñnän artıq yortqa zıyan kitergän, yaqınça 10 meñ keşe küçerelgän ide.

İndonėzya kontitental’ plitalar totaşqan ,vulkan  häm seysmik aktivlık küzätelgän Tın okeannıñ “Ut bocrasında” urnaşqan.

Kön’yaq-könçığış Aziya arxipelagında yaqınça 130 aktiv vulkan bar.