Törkiyä Cömhüriyäte milli saqlanu ministrlığı, kiräk bulğan oçraqta, Könçığış Urta diñgezdä gumanitar yärdäm êşçänleklärenä öleş kertäçägen belderde.

Ministrlıq sişämbe könne Törkiyäneñ “NSosyal” media platformasında yasağan belderüdä:
"Törkiyä, xalıqara xoquq häm gumanitar qıymmätlär qısasında, xäzerge waqıtta Könçığış Urta diñgezdä köymälär belän başqarıluçı gumanitar yärdäm êşçänlekläreneñ imin räweştä alıp barıluın yaqınnan küzätä”, – diyelde.

Ministrlıq töbäktä daimi räweştä törle uqıtu - öyrätü häm êşçänleklär alıp baruçı köymälärneñ êzläw häm qotqaru mömkinlekläre belän bergä, kiräk bulğan waqıtta, wäqalätle orğannar häm xalıqara taraflar belän koordinaśiyäle räweştä gumanitar yärdäm wazıyfalarına yärdäm itärgä äzer buluın belderde.

Ministrlıq belderüendä şulay uq "Törkiyä, bügenge köngä qadär bulğan kebek, gumanitar qıymmätlärne saqlaw häm gayepsez tınıç xalıqnıñ iminlege öçen här cirdä häm törle şartlarda üz östenä töşkän cawaplılıqlarnı ütärgä däwam itäçäk” digän süzlär dä urın aldı.