“Antara” mäğlümat agentlığı xäbär itüençä, İndoneziyanıñ Milli tabiğat köçläre belän idarä itü oyışması (BNPB) ilneñ Flores töbägendäge cir teträw turında soñğı mäğlümatlarnı bastırıp çığardı.

BNPB afätlär mäğlümat üzäge citäkçese wazıyfaların başqaruçı Berton Panjaytan cir teträwdän ülüçelär sanınıñ 71gä citüen belderde häm: "Xökümät isemennän hälak bulğannarnıñ ğailäläreneñ tirän qayğısın urtaqlaşabız", - dip östäde.

15 avgustta İndoneziyanıñ Flores töbägendä 7,7 magnitudalı cir teträw buldı, häm, kim digändä, 235 afterşok terkäldе, şularnıñ iñ zurısı 6,2 ball ide.

Şul uq waqıtta, Tönyaq Sumatra töbägendäge Pematangsiantar şähäre yanında 6,9 ball zurlığındağı tağın ber cir teträw terkälde.

Cir teträw näticäsendä 900dän artıq yort cimerelgän, 1300dän kübräk bina öleşçä zıyan kürgän, yaqınça 5000 keşe waqıtlıça sıyınu urınnarına urnaştırılğan.

Flores töbäge buyınça toraq punktlarnı totaştıruçı yaqınça 700 kilometr ozınlıqtağı avtomobil yulı cir şuışular arqasında yabılırğa mäcbür buldı.