Bötendönya sälamätlek saqlaw oyışması, İzrail höcümendä oyışmağa xezmät kürsätü öçen yallanğan kontraktlı xezmätkär hälaq bulğannan soñ, Ğazzädän awırularnı êvakuatsiyäläwne tuqtatuın citkerde.

“X” säxifäsendäge belderüendä BSSO ğomum mödire Tedros Adxanom Gebreyesus bolay dide: "BSSO Ğazzädä oyışmada êşläwçe xezmätkärneñ bügen iminlek waqıyğasında üterelüen raslap qayğısın belderä". Ul waqıyğa urınında BSSOnıñ tağın ike xezmätkäre buluın, läkin zıyan kürmäwlären östäde.

Tedros bolay dip däwam itte: "Bu waqıyğadan soñ BSSO bügen Räfax aşa Misırğa awırularnı xastaxanälärgä êvakuatsiyäläwne tuqtattı. Meditsina êvakuatsiyäläre kiläse xäbärgä qadär başqarılmayaçaq", - dide.

BMOnıñ sälämätlek saqlaw agentlığı waqıyğa turında centekle mäğlümat birmäde, läkin tiyeşle oyışmalarnıñ tikşerü alıp baruın belderde.

Tedros üz belderüen: "Bez tınıç xalıqnı häm gumanitar xezmätkärlärne yaqlawnı taläp itäbez", - dip tämamladı.