Pol’şa prem’yer- ministrı Donal’d Tusk watandaşların İrannan kitärgä çaqırdı, yaqın arada xärbi kiyerenkelek qurqınıçı arqasında bu ilgä barlıq säyäxätlärgä qarşı kisätte.

Tusk pänceşämbe könne Varşava yanındağı Zelonka qasabasında jurnalistlarğa yasağan belderüendä: “Zinhar  şunduq İrannan kitегez häm bernindi şartlarda da bu ilgä säyäxät itmägez. Min berkemne dä qurqıtırğa telämim, läkin barıbız da närsä äytergä telägänemne beläbez. Bäreleş ixtimalı bik real’”,-dide.

Prem’yer-ministr êvakuaśiya täräzäse bik tiz yabılırğa mömkin dip kisätte.

“Berniçä säğat’, unike säğat’ yäki berniçä könnän soñ êvakuaśiya bulmasqa mömkin”,- dide häm bu kisätügä citdi qararğa çaqırdı.

Pol’şa xökümäte älegä İranda niçä Pol’şa watandaşı buluı turında mäğ’lümat birmi, tışqı êşlär ministrlığınnan bu xaqta östämä mäğ’lümat kötelä.

Tusk êlekkege êvakuaśiya kisätüläreneñ iğ’tibarsız qaldırıluın häm monıñ citdi näticäläre buluın bilgeläp ütte.

 “Bezneñ naçar täcribälär buldı. Qayber keşelär mondıy çaqırularğa ciñel qarıylar”, - dip belderde.

Çığanaqlar häm matbuğatta çıqqan xäbärlärgä qarağanda, Tährannıñ atom - töş programmasına qağılışlı söyläşülär däwam itsä dä, Vaşington häm Tel’- Aviv Tähran belän yaña xärbi bäreleşkä yaqın.

İzrail belän İran iyün’ ayında 12 könlek suğış alıp bardılar. AQŞ İrannıñ öç atom qorılmasın bombaladı.