Törek hawa yulları comga könne 75 “Boing” B787 oçqıçına zakaz biräçägen häm 150 danä 737-8/10 MAX model' oçqıçların alu öçen söyläşülärne tämamlawın citkerde.
Törek hawa yulları Törkiyäneñ berdänber fond birjası “Birja Istanbul”ğa cibärelgän belderüdä “Boing”tan 75 danä B787-9 häm B787-10 model' oçqıçların alu turında qarar qabul itüen äytte. Bu zakazlarnıñ 50se täğayen häm 25e östämä.
Oçqıçlarnı tapşıru 2029-2034 yıllar arasına planlaştırılğan, dip belderde aviakompaniya.
Motorlar, östämä motorlar häm motor texnik xezmätläre turında “Rolls-Royce” häm “GE Aerospace” belän söyläşülär däwam itä.
Törek hawa yulları, şulay uq, “Boing” belän 150 oçqıç alu turında söyläşülärne tämamlawın rasladı. Bu zakazlar 100 nigez häm 50 variant 737-8/10 MAX model' oçqıçtan tora.
737-8/10 MAX oçqıçları öçen zakazlar “CFM International” motor citeşterüçese belän söyläşülär uñışlı tämamlanğan oçraqta yasalaçaq, dip äytelde.
“Bu zakazlar belän, bezneñ flot 2035nçe yılğa qadär tulısınça yaña buın oçqıçlardan torırğa tiyeş, bu isä operatsion êffektivlıqnı nığıta häm yıllıq urtaça 6 protsent üseş täêmin itä,” dip östäde kompaniyä.
