Törkiyäneñ Texnologiyalär törkeme waqıfınıñ mötävälli şurası başlığı Sälcuq Bayraktar pänceşämbe könne “Take Off Törkiyä Startup” sammitında belderü yasap, “TEKNOFEST” yärminkäseneñ 5 kön baraçağın citkerde.
Çärşämbe könne başlanğan ike könlek “Take Off Törkiyä Startup” sammitınıñ sponsorı Törkiyä teleradiokompaniyase TRT buldı. Global êlemtä partnyerı isä – “Anadolu” agentlığı.
Sammit Törkiyäneñ Texnologiyalär törkeme waqıfı, Sänägät häm texnologiya ministrlığı, İnvestiśiya häm finans ofisı citäkçelegendä İstanbuldağı “Expo” üzägendä çınğa aştı.
“TEKNOFEST” ike yılda ber tapqır İstanbulda, ike yılda ber tapqır Törkiyäneñ törle şähärlärendä oyıştırıla.
Çara xäzergä qadär Azärbaycan häm Tön'yaq Kipr Törek Cömhüriyätendä dä uzdı.
Yärminkäneñ diñgezçelek temalı çarası “Zäñgär Watan” da bıyıl İstanbulda ütkärelde.
“TEKNOFEST”ka Tön'yaq Kipr Törek Cömhüriyäte häm “Zäñgär Watan” qısalarında 2025 yılda yaqınça million yarım keşe kilde.
Törkiyäneñ könyağında urnaşqan Adanada 2024 yılda oyıştırılğan çara 1 million 100 meñ tiräse keşene qabul itte.
Yärminkä bügengä qadär barlığı 11 million tiräse keşene qunaq itte.
