Soğud Ğaräbstanınıñ ênergetika ministrlığı ilneñ könçığışındağı Ras-Tanurada hälakätkä oçrağan boralaqtağı barlıq 14 keşeneñ dä hälaq buluın citkerde.
Soğud Ğaräbstanınıñ “SPA” däwlät agentlığı xäbär itüençä, neft' gigantı “Aramco” şirkätenä qarağan boralaq yakşämbe könne Soğud Ğaräbstanınıñ könçığış yarında, Ormuz buğazınıñ könbatışında urnaşqan Ras-Tanurada hälakätkä oçrağan.
Hälakätneñ säbäben açıqlaw öçen tiyeşle oyışmalar qatnaşında tikşerü başlanğan.
“Aramco” dürt ayğa yaqın özeklektän soñ, comğa könne Ras-Tanura terminalında çimal neft' töyäw operatsiyälären yañadan başlağan ide.
Soğud Ğaräbstanınıñ könçığış qultığı yarında urnaşqan Ras-Tanura - ilneñ iñ möhim neft' êşkärtü häm êksport üzäkläreneñ berse.
