Franśiya başqalası Parijda ilbaşı Êmmanuel Makron citäkçelegendä Livan armiyäsenä yaqlaw kürsätügä  bağışlanğan  konferenśiyä başlandı.

Konferenśiyädä Livan ilbaşı Jozef Aun häm Yordaniya patşası Abdullah II belän bergä xärbi belgeçlär häm qayber illärneñ ğomüm ştab başlıqları da qatnaşa.

Makron konferenśiyädä qatnaşır öçen Parijğa kilgän Livan ilbaşı Aun belän oçraştı.

Oçraşu häm konferenśiyäneñ töp mäs'äläläreneñ berse — Berläşkän Millätlär Oyışmasınıñ Livandağı waqıtlıça tınıçlıq köçläre (UNIFIL) bıyıl üz wazıyfasın tämamlağannan soñ barlıqqa kilergä mömkin bulğan köç buşlığın buldırmaw öçen xalıqara yaqlawnı saqlap qalu.

Şulay uq konferenśiyädä İzrail höcümnäre däwam itkän häm “Xizbullah”nı qoralsızlandıru mäs'äläse kön tärtibendä torğan Livanda armiyäne nığıtu  öçen yasalaçaq adımnar da qaralaçaq.

Töbäktä yıllar buyı wazıyfa başqarğan UNIFIL sostavında yaqınça 50 ildän 7 meñ 500 xärbi bar. Anıñ mandatı 31 dekabr'dä tämamlanaçaq.