AQŞ mäxkämä räise censi cinayätlärdä gäyeplängän Djeffri Êpşteynnıñ Nyu-York törmäsendä üleme aldınnan berniçä atna aldan yazılğan üz-üzenä qul salu turındağı xatnı cämäğatçelekkä açıqladı.

Anıñ kameradaşı xatnı Êpşteynnıñ 2019 yılnıñ avgustındağı ülemennän berniçä atna êlek, uñışsız üz-üzenä qul salu omtılışınnan soñ, ber kitap êçennän tabuın äytä.

Sızıqlı käğazgä yazılğan xatta şundıy süzlär bar: “Alar mine aylarca tikşerde — häm bernärsä dä tapmadılar!!! Sawbullaşu waqıtın saylıy aluım — bik zur şatlıq”.

Tekst bolay tämanlana: “Nişläwemne teliseñ? Yılap qaçuımnımı? Bu ber dä qızıq tügel, moña tormas!”

Xat kameradaşınıñ cinayät êşe qısalarında yıllar buyı möherlängän ide, läkin “New-York Times” sorawı buyınça Nyu-Yorknıñ Könyaq okrugı mäxkämä räise Kennet Karas tarafınnan cämäğatçelekkä açıqlandı.

Dokumentnıñ çınlığı älegä dälillänmäsä dä, anıñ bastırıluı Êpşteynnıñ üleme belän bäyle bäxäslär däwam itkän waqıtta buldı. Ul censi säwdädä gäyeplänep mäxkämä kötkändä üz-üzenä qul salğan dip qabul itelä.

Êpşteynnıñ üleme üz-üzenä qul salu dip bäyälände, läkin törmädäge küpsanlı iminlek qağıydäläreneñ bozıluı häm videoküzätü yazmalarınıñ yuğaluı räsmi añlatmağa şöbhä tudırdı.

Êpşteyn başta 2019 yılnıñ iyül' axırında üz kamerasında yaralı kileş tabıldı häm wäqalätle zatlar monı uñışsız üz-üzenä qul salu omtılışı dip belderde. Avgust ayında isä anı üle xäldä taptılar.

Kiñqırlı tikşerügä qağılışlı dokumentlar xalıqqa çıgu belän Êpşteyn êşe Amerika häm Britaniyä säyäsäten teträtüen däwam itä.