Dönya bankı farazlarına kürä Ukrainanıñ yañadan tözekländerelüe öçen 588 milliard dollar kiräk. Annan aldağı xisapta bu san 524 milliard dollar ide.
Düşämbe könne açıqlanğan belderüdä Rusiyä belän suğış başlanğan könnän birle uzğan dürt yılnı da kertep isäplängän 10 yıllıq çığımnıñ 2025 yılda Ukrainanıñ milli tulayım tabışınnan öç tapqır kübräk buluı citkerelde.
Bank tarafınnan yasalğan belderüdä tübändäge süzlär urın aldı: "Üseş partnyerlarınıñ yärdäme belän Ukraina xökümäte 2026da yañaru häm yañadan tözelü östenleklären qanäğatländerü maqsatı belän möhim adımnar yasıy. Alar arasında däwlät investiśiä proyektları häm cimerelgän toraqlar öçen finanslaw, minalardan çistartu häm küp tarmaqlı iqtisadi yärdäm programmaları kebek töp yärdämnär dä bar häm bolarnıñ tulı çığımı 15 milyar dollardan arta."
Bank 2022 yılnıñ fevralennän birle toraq, ênergetika, mäğarif, transport häm başqa töp tarmaqlardağı aşığıç tözekländerülär belän kim digändä 20 milliard dollarlık ixtiyaçlarnıñ qanäğätländerelüen açıqladı.
Şulay uq Ukrainadağı turıdan zarar aldağı xisapta 176 milliard dollar bulğanda, xäzer 195 milliard dollardan artuı häm iñ küp zıyan kürgän tarmaqlarnıñ toraq, transport häm ênergetika buluı belderelde.
