Törkiyäneñ Milli küzläw oyışması, räsmi zatlar "MONITUM" dip atağan qatlawlı şımçılıq operaśiyäsennän soñ İzrailneñ küzläw oyışması “Mossad” öçen êşläwe äytelgän ike keşene qulğa aldı.

Törkiyä iminlek çığanaqları comğa könne Mäxmät Budak Därya häm Väysäl Kärimoğlunıñ Milli küzläw oyışması, İstanbul Başprokuraturası häm İstanbul iminlege departamentınıñ terrorğa qarşı köräş bülekläre koordinaśiyäsendä ütkärelgän operaśiyälärdä totqarlanuların belderde.

Tikşerügä kürä taw sänägäte injenerı bulğan Mäxmät Därya 2005 yılda ber şirket qorıp, Märsin şähäreneñ Silifkä rayonında märmär şaxtası açqan häm annarı xalıqara säwdägä kerep kitkän. Mäxmät Däryanıñ berniçä ildä kiñäygän bäyläneşläre İzrail küzläweneñ iğtibarın cälep itkän.

Çığanaqlarğa qaraganda 2012 yılnıñ sentyabr' ayında İzrail tarafınnan qorılğan yasalma şirkät isemennän êş başqarğan häm Ğaliäxmät Yasin quşamatlı ber keşe Mäxmät Däryanıñ ofisına kilep, xezmättäşlek täqdime yasağan.

Mäxmät Därya 2013 yılnıñ ğinwarında Awrupadağı ber oçraşu waqıtında “Mossad” agentları belän tanıştırılğan.

Törle illärdäge oçraşular

Bu oçraşular waqıtında "Luis" quşamatlı ber “Mossad” ofiśerı çığışı belän fälästinle bulğan Törkiyä watandaşı Kärimoğlunıñ êşkä alınuın taläp itte. Äytelgänçä, bu ike keşegä barlıq êşçänleklär häm oçraşular turında bergä xisap äzerlärgä boyırıq birelgän.

İminlek çığanaqları Mäxmät Däryanıñ törle Awrupa illärendä “Luis”, “İisus”, “Dr. Roberto/Rikardo”, “Dan/Dennis”, “Mark”, “Êlli/Êmmi” häm “Maykl” quşamatlı “Mossad” agentları belän oçraşular ütkärüen belderde.

Bu ike keşe berençe çiratta töbäktäge İzrail säyäsäten tänqitläwçe fälästinlelär turında mäğlümat tuplağan, şulay uq keşelär, urınnar häm bäyläneşlär turındağı neçkäleklärne İzrail küzläwenä citkerep barğan.

Mäxmät Därya Ğazzägä kerü röxsäten alırğa tırışu, andagı sklad häm qorılmalarğa baru häm “Mossad”ka fotoräsemnär cibärüdä dä ğäyeplänä.