İnspektorlar çärşämbe könne belderü yasap, Mäskäwdä tönge sägätlärdä barlıqqa kilgän waqıyğada ike poliśiya xezmatkäre häm ber şahitnıñ şöbhäle keşegä yaqınayğanda bombanıñ şartlawı näticäsendä yaqtı dönyadan kitüen citkerde.

Rusiyä Tikşerü komitetı beldergänçä şartlaw Yeleśkaya prospektında ber poliśiya maşinası yanında barlıqqa kilgän.

“TASS” agentlığına kürä poliśiya xezmätkärläre patrul maşinaları yanında şikle keşene kürep ala häm anı qulğa alır öçen êşkä kereşä.

Höcümçegä yaqınayğaç cihaz şartlıy häm ike poliśiya xezmätkäre belän yaqındağı ber keşeneñ ğomere özelä. Şartlawda höcümçe dä yaqtı dönyadan kitä.

Rusiyä generalı, general-polkovnik Fänil Särvärov bu atna başında maşinası astına urnaştırılğan şartlatqıçnıñ şartlawı näticäsendä ülde. Älege waqıyğanıñ bu cirgä yaqın buluı Mäskäwdäge iminlek borçuların arttırdı.

Rusiyä räsmi zatları cinayät êşen açtı.

Räsmi zatlar äytüençä sud-mediśina êkspertizası törkemnäre waqıyğa urının tikşergän häm genetik, mediśina häm şartlatqıç matdälär testları äzerlägän.

İnspektorlar şulay uq cihaznıñ niçek şartlawın bilgelär öçen iminlek kamerasın tikşerä häm şahitlardan soraw ala.