Dmitriy Peskov Rusiyäneñ Törki däwlätlär oyışmasına kerü mömkinlege turında fikeren belderde.
Qazaqstan ilbaşı Qasım-Comart Toqaevnıñ Rusiyäneñ oyışmağa quşuluı öçen çaralar kürergä kiräk digän süzlärenä bäyälämä birep, Peskov monıñ mantıyqlı bulaçağın äytte.
Peskov, Rusiyädä törki çığışlı keşelär yäşägän küpsanlı töbäklär barlığın assızıqlap, bolay dide: "Rusiyäneñ Törki däwlätlär oyışması êşendä qatnaşuı mantıyqlı bulır ide. Monda süz Rusiyäneñ ayırım töbäkläre turında tügel, ä ğomumän Rusiyä turında bara".
Peskov bu mäs'älä buyınça älegä räsmi çaqıru almawların belderde häm bu mäs'äläneñ Qazaqstan belän êlemtälär waqıtında kütäreläçägen östäde.
