İzrail ğaskärläre düşämbe könne, cirle şahitlär äytüençä, Ğazzäneñ kön’yaq öleşendä armiyä kontrolendäge “sarı zona” qısalarında bulgan berniçä punktqa qabat atış yasadı.

Anda yäşäwçelär “Anadolu agentlığı”na İzrail artilleriyaseneñ Räfaxnıñ könçığış öleşlären nıq utqa totuın häm töbäktän quyı töten kütärelüen söyläde.

Alar, şulay uq, İzrail boralaqlarınıñ Xan-Yunısnıñ könçığışına köçle atışlar yasawın da xäbär itte.

Älegä qädär yaralanuçı yäisä ülüçelär turında räsmi mäğlümat bulmadı.

Ğazzä xökümäte media bülege xäbär itkänçä, İzrail ğaskärläre utnı tuqtatu rejimın 590nan artıq tapqır bozdı, kim digändä, 357 fälästinleleneñ ülüenä häm 903 keşeneñ yaralanуınа säbäp buldı.

Utnı tuqtatu kileşüe Törkiyä, Misır häm Qatar aradaşçılığında häm AQŞ tarafınnan xuplanğan räweşтä 10nçı oktyabr'dä üz köçenä kerde. Ul 2023nçe yılnıñ oktyabrennän birle ike yıl däwam itkän İzrail höcümnären tuqtatu öçen qabul itelde. Suğış 70 meñnän artıq fälästinleneñ, kübese xatın-qızlar häm balalar, ğomeren özde häm 170 meñnän artıq keşeneñ yaralanuına kiterde.

Yordannıñ basıp alınğan Könbatış üzänlegendä saq astına alular

İzrail, monnan tış, Yordannıñ basıp alınğan Könbatış üzänlegendä räximsez basqın häm qulğa alularnı arttırdı.

Fälästin xäbär agentlığı “Wafa” xäbär itkänçä, Ramallax tiräsendäge awıllarda taña atqanda oyıştırılğan basqınnarda, kimendä, 11 fälästinle saq astına alınğan. Alarnıñ kübese êlekkege mäxküm.

Monnan tış, Bäyt-Lahim yanı şähärçeklärendä tağın 44 fälästinle totqarlanğan. Bu xäl artqan kiyerenkelek häm qurqunı tiränäytä.