Rusiyä tışqı êşlär ministrı Sergey Lavrov AQŞ däwlät särqätibe Marko Rubio belän oçraşırğa äzer buluın, läkin Ukrainada tınıçlıq urnaşu öçen Rusiyäneñ mänfäğatläre isäpkä alınırğa tiyeşlegen äytte.

Kreml uzğan aynı Rusiyä ilbaşı belän Donald Tramp arasında söyläşü ütkärü tırışlıqları tuqtatılğannan soñ Lavrovnıñ Vladimir Putin öçen qıymmäteneñ qalmawı turındağı spekulyaŝiyalärne comğa könne kire qaqtı.

“Reuters” häm başqa matbuğat çaraları xäbär itüençä Mäskäw citäkçelegeneñ Ukraina mäs’äläsendäge taläplärennän kire çigenergä äzer bulmawı turındağı ministrlık yullamasınnan soñ Vaşington citäkçelege yaña oçraşunı ğamäldän çığardı.

“Financial Times” gazetı ber çığanaqqa tayanıp, Vaşington citäkçelegen Lavrov belän Rubio arasındağı söyläşüneñ tuqtatuın bederde.

Lavrov yäkşämbe könne däwlät xäbär agentlığı “RIA“ğa bolay dide: “Däwlät särqätibe Marko Rubio häm min daimi êlemtäneñ zarurlığın añlıybız. Ukraina mäs’äläsen qaraw häm ike yaqlı kön tärtiben üsterü öçen bu möhim. Şunıñ öçen telefonnan söyläşäbez, kiräk çaqta turıdan-turı söyläşülärgä äzer bez.”