Bötendönya xäläl sammitında urın aluçı Törkiyäneñ köçle xäläl tarmağı häm Soğud Ğaräbstanınıñ bazar potenŝialı ike il arasındağı säwdä häm xezmättäşlekne arttırırğa forsat bulıp tora.
11nçe Bötendönya xäläl sammitı qısalarında comğa könne İstanbulda oyıştırılğan Törkiyä-Soğud Ğaräbstanı êş forumında ike il arasındağı säwdä potenŝialı quzğatıldı.
Çara qısalarında Törkiyäneñ tışqı iqtisadi mönäsäbätlär şurası qatnaşında oyıştırılğan Törkiyä-Soğud Ğaräbstanı êş forumında ike il arasındağı säwdäne arttıraçaq tarmaqlar häm täqdimnärgä bäyä birelde.
Çara “Xäläl industriyane innovaŝiyalär häm qamillek aşa nığıtu” teması belän çärşämbe könne İstanbulda başlandı häm tarmaqtağı paydaşlarnı cıydı.
11nçe Bötendönya xäläl sammitı häm yärminkäse 26-29 noyabr könnärendä Törkiyäneñ İlbaşı idaräse ximayasında, İslam xezmättäşlek oyışması belän Säwdä ministrtlığı häm Xäläl akkreditaŝiya agentlığı belän ber rättän törle oyışmalar xezmättäşlegendä oyıştırıla.
İlbaşı urınbasarı Cäwdät Yılmaz comğa könne sammitka cibärgän video yullamada Törkiyäneñ köçle sänägät infrastrukturası, kvalifikaŝiyale keşe resursları häm tirän tamırlı täcribäse belän xäläl säwdäneñ kiläçägenä şäkel birüçe illärdän berse buluın äytte.
“Xäläl iqtisad citeşterü sıyfatın arttıruçı, säwdädä ışanıçnı nığıtuçı häm İslam illäre arasında yaña xezmättäşlek forsatların tudıruçı strategik mäydanğa äylände. İlebez İslam xezmättäşlek oyışmasınıñ İslam illäre standartları häm metrologiya institutı standartlarına tayanuçı xäläl sertifikatlarınıñ küp yaqlap tanıluın üz östenä alaçaq oyışma bulğan Xäläl akkreditaŝiya agentlığı İslami forumınıñ qorıluında lider rol uynadı”, - dide Yılmaz.
