Kanada tışqı êşlär ministrlığı Kanadanıñ Süriyäne terrornı yaqlawçı däwlätlär isemlegennän çığaruın iğ’lan itte.
Kanada xökümäte comğa könne yasagan belderüdä bolay dide:
"Kanada xökümäte, kiñ qırlı tikşerüdän soñ, Süriyäne terrorçılıqnı yaqlawçı çit il däwlätläre isemlegennän häm “Xäyät Taxrir äş-Şam”nı terror oyşmaları isemlegennan çığardı.
Ministrlıq bu çaralarnıñ Böyekbritaniya häm AQŞnıñ soñğı qararlarına turı kilüen, Süriyä küçeş xökümäteneñ totrıqlılıq urnaştıru, inklyuziv kiläçäk tözü häm terrorğa qarşı köräştä global’ partnyerlar belän êşläw tırışlıqların iskä aluın belderde.
“Xäyät Taxrir äş-Şam” — Süriyä watandaşlar suğışı waqıtında Bäşar Äsäd köçlärenä qarşı torğan iñ köçle törkemnärneñ berse ide häm Äsäd bärep töşerelgännan soñ Süriyä ilbaşı bulğan Äxmät Şara şul törkemneñ citäkçese buldı.
Kanada tışqı êşlär ministrı Anita Anand ilneñ Süriyä xökümäteneñ ber yıl êlek Äsäd rejimı bärep töşerelgännän birle tınıç maqsatlı Süriyä citäkçelegendäge säyäsi küçeş yünäleşendä yasağan uñay adımnarın xuplawın belderde.
Anand bolay dip östäde:
"Kanada inklyuziv, totrıqlı kiläçäk omtılışında Süriyä xalqın yaqlawnı däwam itäçäk”.
