Paqıstanda ber yulçı poyezdınıñ relstan çığuı näticäsendä 5 keşe ülde, 30 keşe yaralandı.
“Dawn” gazetı xäbärenä kürä Peşaver şähärenä baruçı yulçı poyezdı Multan töbäge stanśiyase yanında äle bilgele bulmağan säbäptän relsınnan çıqqan.
Paqıstan Timer yulları wäkile gazetka yasağan belderüendä faciğada 5 keşeneñ ülüen häm 30dan artıq keşeneñ yaralanuın belderde.
Poyezd maşinisti Rizvan Abbas isä poyezdnıñ säğatenä 100 çaqrım tizlek belän baruın äytte.
“Geo News” kanalı xäbärenä kürä qotqaru törkemnäre 13 vagondağı yulçılarnı çığardı, ber vagonda isä êşçänleklär däwam itä dip belderde.
Paqıstan prem’yer-ministrı Şahbaz Şärif tä yaralanğan yulçılarnıñ xälenä borçıluın citkerep, qotqaru êşlären tizlätergä häm yaralılarga waqıt yuğaltmıyça kiräkle mediśina yärdämen kürsätergä boyırdı.
Soñğı ber yılda ildä bulğan berniçä poyezd faciğase Paqıstan Timer yullarınıñ poyezd häm timer yul liniyalären qarap totudağı wayımsızlığı häm anıñ struktural problemaları turında borçılularnı arttırdı.
