Misır, Qatar häm Törkiyä AQŞ ilbaşı Donald Tramp belän Ğazzä tınıçlıq kileşüe turındağı dokumentka qul quydı.

Bu dokument duşämbe könne Misırnıñ Qızıl diñgez buyındağı Şarm äl-Şäyex kurortında oyıştırılğan xalıqara sammit waqıtında imzalandı.

Tramp, İzrail belän “Xamas” totıqlarnı almaşqannan soñ, töbäk citäkçeläre belän Ğazzä tınıçlıq kileşüen nığıtu maqsatında deklaratsiyä imzalağaç: "Bu Yaqın Könçığış öçen zur kön," -dip belderde.

"Bu dönyaküläm zur kön, bu Yaqın Könçığış öçen zur kön," dip äytte Tramp, sammitta cıyılğan ike distädän artıq dönya citäkçeläre aldında.

"Dokument qağıydälärne, taläplärne häm başqa küp närsälärne bilgeläyäçäk," dip äytte Tramp imzalar aldınnan häm ike tapqır: "Bu kileşüne nığıtıtaçaq,"- dip qabatladı.

Ğazzäne tözekländerü konferentsiyäse

Misır ilbaşı Abdel Fättah äs- Sisi üz ileneñ Ğazzäne tözekländerü öçen konferentsiä oyıştıraçağın belderde.

"Misır, AQŞ häm partnerlar belän koordinatsiyädä, Ğazzäne tözekländerü nigezen salu öçen kiläse könnärdä êşläyäçäk, häm bez tiz arada torğızu, tözekländerü häm üseş konferentsiyäsen oyıştıru niyätendä," dip äytte ul.

Sisi, şulay uq, Ğazzä kileşüeneñ "keşelek tarixında awır bülekne yabarğa häm Yaqın Könçığış öçen yaña tınıçlıq häm totrıqlılıq çorın açarğa" yärdäm itäçägen äytte.

Ul kileşü tözelüneñ ike däwlätle çişeleş nigezen saluğa yul açqan "tarixi kön" dip atadı.