Törkiyä ilbaşı Räcäp Tayyip Ärdoğan AQŞ häm İzrailneñ İranğa qarşı suğışınıñ, zurayıp, töbäkne tulısınça utqa salğançı, tuqtatılırğa tiyeşlegen häm diplomatiyägä yul quyılsa, monıñ mömkin buluın assızıqladı.

Ärdoğan, çärşämbe könne üz partiyäseneñ törkem cıyılışında çığış yasap, Törkiyäneñ “yañadan östäl artına häm söyläşülärgä qaytu, yañadan diplomatiyäne êşkä cigü öçen tırışlıqların sabır belän däwam itüen” äytte.

Ärdoğan, şulay uq, xälneñ neçkälegen isäptä totıp, Törkiyäneñ saq êş itüen häm tirä-yağındağı bäreleşlärdän saqlanu öçen çaralar kürüen dä süzlärenä östäde.

İlbaşı Ärdoğan Törkiyäneñ töbäktäge krizislarğa qarata bitaraf qalmawın häm, ixtiyac tuğan waqıtta, duslarına häm tuğan xalıqlarına artı belän borılmawın assızıqladı.