“ANSA” xäbär agentlığı Bötendönya qırğıy tabiğat’ fondı (WWF) xisabına nigezlänep xäbär itüençä, İtaliyädä bu cäy däwamında çıqqan urman yanğınnarı näticäsendä 70 meñ gektar cir kölgä äwerelgän.
Bu yaqınça 100 meñ futbol qırına tiñ.
Yanğınnarnıñ yaqınça öçtän ber öleşe saqlaw astındağı cirlärdä çıqqan.
Soñğı 20 yıl êçendä urman yanğınnarı näticäsendä yuğalğan mäydan küläme 133 %qa artqan.
Başqa Awrupa illärendä xäl tağın da awırraq.
İspaniyädä 219 meñ gektar, Franśiyädä isä 91 meñ gektar cir yanıp betkän.
Xisapta fikerlärenä urın birelgän WWFnıñ Awrupa Berlege urmannar öçen cawaplı belgeçe Anke Schulmeister Oldenhove bolay di:
"Awrupa yana. Läkin yanğın sünderüçelär ömetsez räweştä su sibep yörgändä, bezneñ citäkçelär kondiśionerlı bülmälärdä utırıp, Awrupa Berlegeneñ klimat häm tabiğat’ qanunnarın tağın küpme yomşartırğa kiräklegen bäxäsläşä. Ä bit töp soraw başqa bulırğa tiyeş: kiläçäktäge faciğalärne buldırmaw öçen bu qanunnarnı ni däräcädä köçäytergä kiräk."
