AQŞ viŝe-prezidentı Vêns Donald Tramp İranğa qarşı xärbi variantlarnı qarap çıqsa da, AQŞnıñ Yaqın könçığışta ozaqqa suzılğan suğışqa tartılmayaçağın belderde.

Visconsindagı ber çaradan Vaşingtonğa qaytqanda “The Washington Post” gazetına birgän intervyusındä Vêns yıllarğa suzılaçaq bäreleş fikeren kire qaktı. Gazetqa yasağan belderüendä ul: “Ofıqta axırı kürenmägän, yıllarğa suzılaçaq Yaqın Könçığış suğışında qatnaşu ixtimalıbız yuq,” – dip belderde.

Vênsnıñ süzläre Vaşington häm Tähran citäkçelekläre Jenevada turıdan-turı bulmağan atom söyläşülären ütkärgän waqıtta yañğıradı. İran räsmiläre däwam itüçe qarşılıqlarğa qaramastan söyläşülärne citdi häm näticäle dip atadı.

Vêns uzğan yıl İranda ütkärelgän xärbi xäräkätne häm ğıynwar ayında Venesuêla ilbaşı Nikolas Maduronıñ qulğa alınuın çiklängän operaŝiyalärgä ürnäk itep kürsätte. Ul bu omtılışlarnıñ tögäl maqsatları häm tämamlanu noqtaları buluına basım yasadı.

Vêns citkergänçä AQŞ yıllar buyı däwam itä torğan nizağ urınına çiklängän häm bilgelängän operaŝiyalärne östen kürä.