İran yuğarı xökemeneñ media oyışması “Mizan” çärşämbe könne xäbär itkänçä, İzrail öçen şımçılıq itüdä ğayeple ber keşe ülem cäzasına tartıldı. Anıñ isemeneñ Ali Ardestani buluı äytelde.

İzrail belän distälärçä yıllar däwam itüçe yäşeren suğış xälendä bulğan İran İzrail küzläw xezmäte belän bäyläneştä buluda häm İran êçendäge operatsiyälärne ütkärügä yardäm itüdä ğayeplängän şaqtıy keşene ülem cäzasına tarttı.

“Mizan” agentlığı: "Ali Ardestanigä İrannıñ möhim mäğlümatların “Mossad” küzläw xezmätenä tapşıru häm şımçılıq itüdä gäyeplänep çığarılğan ülem cäzası, Yuğarı Mäxkämä raslawınnan häm xoquqıy protseduralardan soñ, ütälä," dip belderde.

Ozaq yıllar doşman bulğan ike il arasındaqı kiyerenkelekneñ artuı belän bergä, İzrail öçen şımçılıq itüdä ğayeplängän iranlılarnı üterü dä arttı.

Yıllar buyı däwam itkän yäşeren höcümnär, kiber-operatsiyälär häm "wäqalät suğışlarınnan" soñ, ike il arasındağı üzara operatsiyälär uzğan iyün ayında, AQŞ yärdäme belän İzrailneñ İran atom-töş obyektlarına höcüm itüe näticäsendä, turıdan-turı bäreleşkä äwerelde.

İran räsmiläre şul waqıttan birle, şımçılıq êşlären tuqtatu häm regional' kiyerenkelek barışında milli iminlekne nığıtu maqsatınnan, “Mossad” belän xezmättäşlektä ğayeplängän keşelärne qulğa alu häm ülem cäzasına tartunı köçäytte.