Düşämbe irtäsendä tuplanğan räsmi mäğlümatlarğa qaraganda, İran 28 fevraldän birle cide ğaräp ilendäge AQŞ bazalarına häm möhim rayonnarğa, kim digändä, 5471 raketa häm dron höcüme yasağan.
AQŞ belän İzrailneñ İranğa höcümnäre häm Tähranınıñ cawap çaraları däwam itkängä, Farısı qultığı illärendäge küp sanlı möhim urınnar utqa totılğan.
Höcümnärdän zıyan kürgän illärneñ saqlanu ministrlıqlarınnan häm başqa räsmi cığanaqlardan cıyılğan mäğlümatlar buyınça, Berläşkän Ğaräp Ämirlekläre iñ küp zıyan kürgän il. Anda 414 ballistik raketa, 15 qanatlı raketa häm 1914 dron yuq itelgän
Xökümät mäğlümat üzäge häm xärbilärneñ belderülärenä qarağanda, Kuveyt 309 ballistik raketa häm 616 dronnı yuk itüe turında xäbär itte.
Baxreyn saqlanu köçläreneñ ğomum komandalığı şul uq çorda 174 raketa häm 391 dronnı täêsirsez xälgä kiterüen belderde.
Qatar saqlanu ministrlığı ilgä yünältelgän 206 ballistik raketa häm 93 dron höcüme turında citkerde.
Yordaniyä xärbiläre konflikt waqıtında 262 raketa häm dron höcüme terkälüen belderde.
Soğud Ğaräbstanı üz territoriyäsenä, kim digändä, 52 raketa häm 1006 dron höcüme yasaluın xäbär ştte.
Omanğa 19 dron höcüme yasaluı turında citkerelde.
