Cirle matbuğat xäbär itkänçä, Qıtay däwlät başlığı ber’yaqlı häm despotlıq ğamällären tänqıyt’läp, zur däwlätlärne xalıqara xoquqqa buysınırğa çaqırdı.
Si Cinpiñ düşämbe könne yasağan belderüendä bolay dide:
“Barlıq illär dä başqa xalıqlarnıñ üzläre saylağan üseş yullarına xörmät kürsätergä, xalıqara xoquqnı häm Berläşkän Millätlär Oyışması Şartnämäse maqsatların häm prinśipların ütärgä tiyeş, zur illär bu mäs’älädä yul kürsätergä tiyeş.”
“Sinxua News” citkergänçä, ilbaşı bu süzlärne başqala Pekinda İrlandiya prem’yer-ministrı Maykl Martin belän oçraşu waqıtında äytä.
Qıtay citäkçese bu süzlärne AQŞ şimbä könne tañ atar aldınnan Venesuêlağa höcüm itep ilneñ däwlät däwlät başlığı häm anıñ xatının totqarlap N’yu-Yorkqa alıp kilgännän soñ citkerde.
Si bolay dip tä östäde:
“Üzgäreş häm xaos xökem sörgän dön’yada ber’yaqlı häm despotlıq ğamälläre xalıqara tärtipne citdi räweştä qaqşata”.
Karakas parnı azat itüne sorıy
AQŞ şimbä könne Karakasqa qarşı zur külämle operaśiya başladı, anda ilbaşı Maduro häm anıñ xatını qulğa alındı. Alarğa N’yu -York mäxkämäsendä cinayät’ êşe quzğatıla.
“New York Times” Venesuêla räsmi zatları süzlärenä nigezlänep birgän xäbärendä AQŞ höcümendä yaqınça 80 keşeneñ hälaq buluın citkerde.
Maduro häm xäläl cefete Flores qulğa alu üzägendä totıla.
Alar narkotiklar kontrabandası belän bäyläneşe bulğan häm terror oyışması dip sanalğan bandalar belän xezmättäşlek başqaruda ğayeplänälär.
Maduro ğayepläwlärne kire qağa, Karakastağı wäqalätlelär alarnı irekkä cibärüne taläp itä.
