BMO süzçese: «Ğazäggä möhim materiallarnı kertügä röxsät birelergä, byurokratik kirtälär kimetelergä häm yök taşu öçen tağın da kübräk çik buyı qapqaları açılırğa tiyeş», — dip belderde.

Berläşkän Millätlär Oyışması İzrail tarafınnan kertelgän çikläwlär arqasında qatı qaldıqlarnı cıyu êşläreneñ tuqtawı näticäsendä Ğazzädä xalıq sälamätlege öçen yanawlar artuı turında kisätte.

BMO süzçese Stefan Dyujarrik sişämbe könne uzdırğan matbuğat oçraşuında: «Qatı qaldıqlarnı cıyu êşlärenä yärdäm kürsätüçe partnyerlarıbız transport çaralarınıñ barı tik yartısı ğına êşli dip kisätä. Monıñ säbäbe — transport çaraları öçen kiräk bulğan motor mayı häm zapas öleşlären kertügä İzrail tarafınnan daimi räweştä kirtä quyu. Näticädä, çüplärneñ barısın da tügel, barı tik ber öleşen genä cıyu mömkin bulu säbäple, xalıq sälamätlege öçen yanawlar arta», — dide.

«Ğazzägä möhim materiallarnı kertügä röxsät birelergä, byurokratik kirtälär kimetelergä häm yök taşu öçen tağın da kübräk çik buyı qapqaları açılırğa tiyeş», — dip belderde Dyujarrik. Ul şulay uq: «Keşelär awır mäcbüri küçenü şartlarında dürtençe qışların kiçerä, gumanitar yärdäm fondlarınıñ bülenüe dä bik möhim», — dip östäde.

İzrail AQŞ yärdäme belän 2023 yılnıñ oktäbrendä başlağan häm genośid sıyfatında bäyälängän suğışı näticäsendä 74 meñnän artıq keşe hälaq buldı, 175 meñnän artıq keşe yaralandı, grajdanlık infrastrukturasınıñ 90 prośentı cimerelde.

2025 yılnıñ 10 oktäbrennän birle üz köçendä bulğan utnı tuqtatu kileşüenä qaramastan, İzrail bombalawlar, ut açu häm fälästinlelärneñ qorılmaların cimerü ğamällären däwam itterä, şulay itep, cimereklär külämen tağın da arttıra.