Äminä Ärdoğan Anadolunıñ mirasına basım yasap, Ğazzä öçen global çarağa çaqırdı.

Äminä Ärdoğan Fälästin tarixınıñ sörtelüenä qarşı kisätä.

Törkiyä ilbaşı Räcäp Tayyip Ärdoğannıñ xäläl cefete Äminä Ärdoğan şul uq waqıtta BMOnıñ “Qaldıqsız tormış” yuğarı däräcäle kiñäşmä şurası başlığı bularaq Anadolunıñ meñlägän yıllıq mädäni mirasına basım yasadı häm Ğazzäne saqlaw öçen tağın da köçle xalıqara ğamälgä çaqırdı.

“Anadoludağı tormış daimi qalqınu maqsatlarınıñ niçek çınğa aşırıla alınaçağın kürsätüçe sxema bulıp tora. Çönki Anadolunıñ qapqaları meñlägän yıllıq täcribägä tayanuçı bäräkät, sälätkä açıla,” – digän Äminä Ärdoğan sişämbe könne Nyu-Yorkta 80nçe BMO ğomum şurası qısalarında Törek yortında oyıştırılğan häm ximayasında çınğa aşırılğan “Anadolulular” proyektı qısasında däwlät häm xökümät başlıqları xäläl cefetlären qabul itte.

Äminä Ärdoğan häm qalğan däwlät häm xökümät başlıqları xäläl cefetläre Törkiyäneñ sänägät häm texnologiya ministrlığı tarafınnan oyıştırılğan häm Anadolunıñ meñlägän yıllıq beleme, hönäre häm mädäni mirasın zamança dizayn belän berläşterüçe kürgäzmäne qaradı.

Kürgäzmädä yaqınça 40 tradiśion tuqıma, kelam, beläzek häm alqa, yözek kebek bizänü äyberläre, sandıqlar, baqırdan yasalğan sawıt-sabalar urın aldı.

Çığışında BMO ğomum şurası qısalarında qunaqların qabul itüenä häm alarğa Anadolunıñ bay mirasın tanıtuına şat buluın açıqlağan Äminä Ärdoğan: “Här mädäniyät, här tel, här din oçraşıp iskitkeç keşe simfoniyasen tudıra. Läkin globalläşü cirle mädäniyätlärne êretep, dönyanı könnän-kön ber törgä äyländerä,” – dide.

Dönyada 7 meñnän artıq tel buluın läkin bu tellärdän yartısınıñ 21nçe ğasır azağına taba yuqqa çığarğa toruın assızıqlağan Äminä Ärdoğan ber telneñ ülüeneñ ber xalıq mädäniyäte, xis-toyğıları häm dönyağa qaraşınıñ ülüe buluın belderde.

BMOnıñ “Daimi üseş maqsatları 2030”nıñ barı tik 18%ınıñ çınğa aşırıluına iğtibarnı yünältkän Äminä Ärdoğan tübändägeçä däwam itte: “Keşelek bularaq ğadel, qaldıqqa çıdam, xezmätne sanawçı, tabiğatne saqlawçı häm tınıçlıqnı täşwik itüçe yul êzlibez. Çişeleş yıraq tügel, śivilizaśiyabez tamırlarında. Anadolunıñ ziräklege monıñ öçen sxema bulıp tora.”

Äminä Ärdoğan şulay uq İzrailneñ Fälästinne sörtep taşlawına röxsät birmäw zarurlığına basım yasadı.

“Bu borınğı tarix häm mädäniyätne saqlarğa tiyeş bez. Bombalarğa qarşı qalämnär, kitaplar häm xatirälär belän qarşı torırğa kiräk,” – dide ul.

Ğazzädage gumanitar fäläkätkä iğtibarnı cälep itkän Äminä Ärdoğan: “Beläsezme? Ğazzädä balalar aç kileş yoqlarğa yata häm şunnan soñ uyana almıy ikän. İke yılda ğına 19 meñ bala üterelde. Ğazzä balalar ziratına häm keşelek vöcdanı kümelgän urınğa äylände,” – dide.

Äminä Ärdoğan keşelekne Ğazzäneñ tawışı bulırğa, gumanitar koridorlarnı açarğa häm xalıqara xoquqnı nığıtırğa çaqırdı. Şaqtıy ilneñ Fälästinne däwlät bularaq tanu qararın qanäğatlelek belän qarşı alğan Ärdoğan monı tınıçlıq häm ğadellek öçen tarixi borılış noqtası dip atadı.

Çara azağında belderü yasağan Äminä Ärdoğan kürgäzmäne Anadolunıñ uñdırışlı tufraqlarında üskän produktlarnıñ, buınnan buınğa küçep kilgän aş-su täcribäseneñ häm osta hönärçelär sänğaten qotlaw bularaq tanıttı.