Ukraina İlbaşı Volodimir Zelenskiy atnakiçen (pänceşämbe könne) Kievnıñ Soğud Ğäräbstanı, Qatar häm Berläşkän Ğäräp Ämirlekläre belän öç zur iminlek dokumentına qul quyuın häm bolarnı keşesez hawa apparatı kileşüe dip atawın äytte.
Zelenskiy “Telegram” akkauntınnan yasağan belderüendä Yaqın Könçığış illäre belän öç zur qurqınıçsızlıq dokumentına, şul isäptän Soğud Ğäräbstanı, Qatar häm Berläşkän Ğäräp Ämirlekläre qatnaşındağı keşesez hawa apparatı kileşüenä qul quyuların, bolarnıñ Ukrainadağı şäxsi häm däwlät tarmaqları belän tözeläçäk törle kileşülär aşa ğämälgä aşırılaçağın belderde.
Zelenskiy äytkänçä, kileşüneñ ber êlementı – tübän çığımlı keşesez hawa apparatları belän bolarnıñ êşläp çığarıluı öçen urtaq citeşterü liniyälären buldıru.
İranda êşläp çığarılğan “Şahid” dronnarınıñ üzqimmäteneñ 80 meñ belän 130 meñ dollar arasında üzgärä aluın belderüçe Zelenskiy bolarnıñ 3 belän 4 million dollar bäyäsendäge raketa belän tügel, 10 meñ dollar qimmätendäge totqarlaw caylanması belän yuq iteläçägen äytte.
Bu illärgä üzlären yaqlarğa yärdäm itärgä teläwlären äytüçe Zelenskiy şundıy uq urtaqlıqlarnı (partnyorlıq mönäsäbätlären) başqa illär belän dä urnaştırunı däwam itäçäklären iskärtep uzdı.
“Şahid” dronnarı – İranda êşläp çığarılğan keşesez suğış hawa apparatları bularaq belenä.
Zelenskiy şulay uq Ukrainanıñ keşesez hawa apparatları citeşterüendäge täcribäsen AQŞ belän dä urtaqlaşırğa teläwen äytte.
Rusiyä-Ukraina suğışına qağılışlı çişeleş barışına da tuqtalıp uzuçı Zelenskiy Rusiyä belän front sızığına xalıqara köçlärneñ urnaştırıluınıñ zarurlığına basım yasadı.
Yaqın Könçığıştağı utnı tuqtatu turındağı sorawğa isä Ukrainanıñ utnı tuqtatunu xuplawın, fäqät Rusiyäneñ monnan fayda täêmin itä alaçağınnan borçıluın citkerde.
