Düşämbe könne Varşava İminlek forumında çığış yasağan Ukraina däwlät başlığı Volodimir Zelenskiy Ukrainanıñ Awrupa Berlegenä kerüe kiräklegen häm bu yünäleştä kiräkle barlıq adımnarnı yasawın belderde.
“Ukraina Awrupa Berlegenä kerergä tiyeş häm keräçäk” dip äytkän Zelenskiy Kiyevneñ üz yöklämälären ütäwen assızıqladı.
Zelenskiy bolay dide: “Kiräkle bulğan bar närsäne êşlibez häm Ukrainanıñ berlekkä kerüeneñ qaysı da bulsa ilneñ milli säyäsäte arqasında kiçekmäwe möhim. Rusiyägä bäyle bulmasqa kiräk”.
Ukraina 2022 nçe yılnıñ fevralendä Rusiya belän suğış başlanğannan soñ qısqa waqıt êçendä Awrupa Berlegenä äğ’za bulu öçen möräcäğat’ itte.
2023 nçe yılnıñ dekaberendä Awrupa şurası Ukrainanıñ berlekkä kerü söyläşülären başlatu turında qarar qabul itte.
2024 nçe yılnıñ iyünendä Awrupa komissiyäse Ukraina häm Moldovadağı reformalarnı uñay bäyäläde, Bryussel’ berlekkä quşılu söyläşüläreneñ qısasın rasladı.
Ämma Vengriya belän Slovakiya bu prośessnı totqarladı häm Rusiya ênergiyäsen üzlärenä qudırğan “Drujba” neft’ ütkärgeçenä höcümnärne tuqtatu kebek şartlar quydılar.
Soñınnan Litva Budapeştnıñ qarşı çığuların beteräçäk ayırım söyläşü planı täq’dim itte.
