Venesuêla Milli assambleya räise Xorxe Rodriges uzğan atnada iğ’lan itelgän häm tınıçlıq öçen küzdä totılğan prośess qısalarında 400dän artıq keşeneñ törmälärdän azat itelüen belderde.

Keşe xoquqların yaqlaw törkemnäre azat itelgännär sanın 60 belän 70 arasında dip bäyäläp, prośessnıñ äkren baruınnan häm mäğ’lümat citmäwdän zarlandılar.

Düşämbe könne Venesuêla törmä xakimiyäte 116 keşeneñ törmädän irekkä cibärelüen iğ’lan itte.

Totqınnarğa xoquqıy yärdäm kürsätüçe cirle iñ tanılğan ictimağıy oyışmalarnıñ berse Foro Penal yıl başında törmälärdä kim digändä  800 säyäsi totqın buluın xäbär itte.

Xökümät isä säyäsi totqınnar totmawın, ä qulğa alınğannarğa qarata qanunlı ğayepläwlär buluın belderä.

Pänceşämbe könne AQŞ ilbaşı Donal'd Tramp belän oçraşuı kötelgän oppoziśiya citäkçese häm Nobel’ Tınıçlıq büläge laureatı Maria Korina Maçado, aralarında üzeneñ yaqın berlektäşläre dä bulğan totqınnarnıñ azat itelüen taläp itüçe iñ köçle tawışlarnıñ berse buldı.